Миний гишгэж уйлуулсан навчис...

Миний гишгэж уйлуулсан навчис
Чиний зүүдэнд нахиалсан
Аль нэгэн намрын салхинд
Хүслээ шивнээд
Өнөөдрийг хүлээсэн
Өнөөдөр
Магадгүй намайг л үнсэх гэж
Бороо шиврэх байх
Миний гишгэж уйлуулсан
Аль нэгэн намрын навчис
Миний хацрыг үнсэх гэж
Тэмүүлэх
Тэр бороон дусалтай хамт ирэх байх
Би навчист
Намарт
Салхинд
Тэгж л шивнэсэн...